Minister Avanthi Srinivas Comments on Chandrababu Nadu in Visakhapatnam,Vizagvision…విశాఖపట్నం నగరంలోని చిల్డ్రన్ ఏరినా లో సోమవారం మధ్యాహ్నం
మీడియా సమావేశం నిర్వహించారు. ఈ సమావేశంలో రాష్ట్ర పర్యాటక శాఖ మంత్రి వర్యులు ముత్తంశెట్టి శ్రీనివాసరావు , అనకాపల్లి ఎమ్మెల్యే గుడివాడ అమర్నాథ్ నగర శాఖ అధ్యక్షులు వంశీకృష్ణ శ్రీనివాస్ యాదవ్, పశ్చిమ నియోజకవర్గ ఇన్చార్జి మళ్ల విజయప్రసాద్, ఉత్తర నియోజకవర్గ సమన్వయకర్త కే కే రాజు , తూర్పు నియోజకవర్గ సమన్వయకర్త విజయనిర్మల,
సీనియర్ నాయకులు రొంగలి జగన్నాథం పలువురు వైసిపి నాయకులు పాల్గొన్నారు. ఈ సందర్భంగా రాష్ట్ర పర్యాటక శాఖ మంత్రి వర్యులు ముత్తంశెట్టి శ్రీనివాసరావు గారు మీడియా తో మాట్లాడుతూ… ప్రభుత్వం మీద ప్రతిపక్షాలు బురద జల్లడమే పనిగా పెట్టుకుందని అన్నారు. మూడు రాజధానులు వ్యతిరేకిస్తున్నారు. ఇంగ్లీష్ మీడియం వ్యతిరేకించారు. ప్రతిపక్షాలు తాత్కాలికంగా నిలుపుదల చేయగలవు తప్ప శాశ్వతంగా నిలుపుదల చెయ్యలేరని అన్నారు. అమరావతి శాసనసభ రాజధానిగా ఉంచుతూ విశాఖపట్నం పరిపాలన రాజధాని, కర్నూల్ న్యాయ రాజధాని చేసి తీరుతామని మంత్రి అవంతి శ్రీనివాస్ స్పష్టం చేశారు. ఐదు సంవత్సరాల కాలం లో చంద్రబాబు అమరావతి పేరు చెప్పి కాలయాపన చేశారు. కానీ సీఎం జగన్ మోహన్ రెడ్డి రాయలసీమ లో కర్నూల్,ఉత్తరాంధ్ర విశాఖలో ప్రభుత్వ అతిధి గృహాన్ని నిర్మించే ఆలోచన చేశారు. జీవో 1087 విశాఖ, కాకినాడ, కర్నూల్, విజయవాడ లో ప్రభుత్వ అతిధి గృహలు కట్టాలని కలెక్టర్ లను ఛైర్మెన్ గా చేసి ఉత్తరువులు ఇచ్చారన్నారు.
ప్రభుత్వ అతిధి గృహం నిర్మించే స్థలానికి , తొట్ల కొండ కు సంబంధం లేదన్నారు. తొట్ల కొండ కు, బావి కొండ కు ..ప్రభుత్వ అతిధి గృహం నిర్మిద్దాం అనుకుంటున్న స్థలానికి కిలోమీటర్ దూరం ఉంది.. అది తెలియకుండా.. విమర్శలు చేయడం తగదన్నారు.
చంద్రబాబు, గంటా శ్రీనివాసరావు కలిసి ఫిల్మ్ క్లబ్ కట్టడానికి అడుగులు వేశారు…వాళ్ళు ఇప్పుడు అనవసరంగా రాద్దాంతంగా మాట్లాడుతున్నారు. ఈ విషయంలో రఘురామకృష్ణంరాజు శిఖండి లా వ్యవహరిస్తున్నారని అన్నారు.
అసలు తోట్లకొండ ఎక్కడ ఉందొ, బావి కొండ ఎక్కడ ఉందొ తెలియకుండా రఘు రామకృష్ణంరాజు కేంద్రానికి లేఖలు రాయటం ఏంటి అని మండిపడ్డారు. నర్సాపురం అభివృద్ధికి ఆలోచించాలి ..నిజంగా అభిమానం ఉంటే రాజీనామా చేసి మళ్లి పోటీ చేసి గెలవాలన్నారు. ఉత్తరాంధ్ర ప్రజలు మంచి వారన్నారు. ఇక్కడి ప్రజలు రాజధాని కోరుకోవడం లెదని పైయిడ్ ఉద్యమాలు చేస్తే , ఇక్కడ మేము ఉద్యమాలు చేసే శక్తి ఇక్కడి ప్రజలకు ఉందన్నారు. సోషల్ జస్టిస్ అనే పవన్ రాజధాని కోసం రెండు వేల ఎకరాలు చాలు అన్నారు.ఇప్పుడు విమర్శలు చేస్తూ చంద్రబాబు స్క్రిప్ట్ చదువుతున్నారని అన్నారు